Zumaiako Telmo Deun arraun elkarteko emakumeek bandera astindu zuten atzo Castron (Kantabria, Espainia) jokatutako traineru estropadan. Castreña arraun elkarteko 27. bandera izan zuten jokoan, eta apenas alderik izan zen lehen hiru ontzien artean.
Estropada amaierako denborek agerian uzten dute zer berdintasun izan zen estropadan. Izan ere, bi ehuneko aldea besterik ez zen izan lehena izan zen Saregileak traineruaren eta bigarren egin zuen Astilleroren artean. 13:47,87 denbora egin zuen Zumaiak, eta 13:47,89 Astillerok, fotofinishak erabakitako arraunketa saioan. Hirugarren izan zen Kaiku, 13:49,59 denborarekin.