Alba Lozano zinemagileak antzezpen tailerra emango du martxoaren amaieran Zumaian, Geuretik Sortuak programaren barruan. Izan ere, Lozanok film labur bat filmatuko du datozen asteotan Zumaianm Udalbiltzak sustatutako programa horri esker.
Martxoaren 28tik 30era bitartean emango ditu aipatu tailerrak, Torreberriko dantza gelan. Hiru izango dira guztira, adin tarte bakoitzari zuzendutako bana, eta bi orduko iraupena izango dute. Martxoaren 28an, ostiralean, 11:00etatik 13:00etara bitartean, 50 urtetik gorakoei zuzendutako jarduera izango da; martxoaren 29an, larunbata, 17:00etatik 19:00etara, 8 eta 11 urte bitartekoentzakoa; eta igandean, hilaren 30ean, 18 urtetik aurrerakoentzakoa.
Interesdunek aurrez izena eman beharko dute zumaiags@gmail.com helbidera idatzita. Izen ematea doan izango da.