Aurrera doaz tren geltokiko lanak. Estazio auzotik bidaiariak geltokira eramango dituen tuneleko lanengatik zorua zulatu behar izan zuten bere garaian, bidea egokitzeko. Zuloa estalita, geltoki aurreko zabalgunea asfaltatzen ari dira egunotan. Dena ondo bidean, ostiralerako amaituko dituzte lanak.
Asfaltatze lanengatik, ezin izango da egunotan autorik aparkatu geltoki aurreko zabalgunean. Lurraldebuseko autobusen joan-etorrian ere izan dute lan horiek eragina; izan ere, Urola bailarako zerbitzua ematen duten autobusen geltokiko geralekua ez da erabilgarri izango lanak amaitu arte.