Herriko adin guztietako ikasleek gogoratu dute Martxoaren 8a izango dela bihar, Emakumeen Nazioarteko Eguna, eta horregatik, hainbat ekintza egin dituzte goiz partean zehar bai Zumaiako Herri Eskolan, bai Zumaienan.
Bihar, Zumaiako Mugimendu feministak deituta, manifestazioa egingo dute Saregile plazatik abiatuta. 13:00etan hasiko da Faxismoaren kontra ausardia eta aliantza feministak! lelopean egingo duten martxa. Aurretik, goizez, 11:00etan hasita, zuzeneko irratsaioa egingo dute Saregile plazan bertan.
