Pasa den ostiral iluntzean jokatu ziren Aitzuri pilotalekuan kluben arteko Euskal Herriko zesta punta txapelketako finalak. Zumaiako Kirol Elkarteak kadete mailako finalera heltzea lortu zuen, Marlon Watkins eta Mikel Silvetiren eskutik.
Pilota jardunaldiari hasiera eman zion norgehiagokan, Zumaia eta Berriatua neurtu ziren. Partida berdindua izan zen, baina, azkenean, irabazleen dominak Bizkai aldera egin zuten, partida 27 eta 30 emaitzarekin irabazi ondoren. Txapeldunordeen dominarekin konformatu behar izan zuten zumaiarrek.