Zumaia Cuban Boxing klubeko kirolariek bi garaipen eskuratu dituzte asteburu honetan. Ostiralean Arrasaten izan ziren, (Gipuzkoa) boxeo jaialdian, eta Iñaki Lope Aranok 71 kilokoen borrokaldian parte hartu zuen, eta bere abilezia erakutsi zuen lehen roundean. Bigarrengoan gogor erantzun zuen haren aurkariak, baina puntu bat kendu zion epaileak burua sartzeagatik. Hirugarrengoan bere mendean hartu zuen zumaiarrak.
Bigarren garaipena Jesus Mangevyk eskuratu zuen 62 kilotan. Hiru roundak aise menderatu zituen. Boxeo klubeko entrenatzaile Ruben Arredondok biak zoriondu nahi izan ditu, eta esan du lanean segituko dutela boxeolari gisa hazten jarraitzeko. Aurten, lehenbizikoz, Zumaiako zazpi boxeolari arituko dira herrian jokatuko den jaialdian.