Hiru zesta punta partida jokatuko dituzte datorren asteburuan Aitzurin

Juan Luis Romatet 2025ko mar. 13a, 08:00

Mikel Silveti eta Marlon Watkins Zumaiako Kirol Elkarteko kadeteak. (Eva Franco)

Gipuzkoako banakako zesta txapelketako partidak jokatuko dituzte ostirala eta larunbata bitartean Zumaiako pilotalekuan. 

Binakako txapelketak amaituta, Gipuzkoako banakako zesta punta txapelketari ekingo diote Zumaiako Kirol Elkarteko pilotariek. Zumaian bertan, Aitzuri pilotalekuan, aipatu txapelketako hiru norgehiagoka jokatuko dira ostirala eta larunbata bitartean. 

Kadete mailako puntistek izango dute bihar lana etxean. Binakako txapelketan txapeldunorde izan ondoren, banakakoari ekingo diote Watkinsek eta Silvetik. 19:45ean, Marlon Watkinsek Danok Bat klubeko Arrizabalagaren aurka jokatuko du. Partida horren amaieran, 20:30ak aldera, Mikel Silvetiren txanda izango da. Honek, Beotibarreko Larrañaga izango du aurkari. 

Larunbatean, berriz, 13:00etan hasita, Frida Watkinsen txanda izango da, nagusien kategorian. Beotibarreko Moreno izango du aurkari partida horretan. 

Zumaia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide