Borroka feminista aldarrikatzeko eguna izan zen pasa den larunbata. Emakumearen Nazioarteko Eguna, martxoaren 8a, zen egun hura, eta ohi bezala manifestazioa egin zuten herrian zehar, Zumaiako Mugimendu Feministak deituta. Eguerdiko ordu batean egin zuten martxa, baina eguneko ekintzak aurretik hasi zituzten.
Hala, goizeko 11:00etan hasita, zuzeneko irratsaioa egin zuten Alondegiko Oxford aretoan. Askotariko gaiak landu zituzten bertan, ‘Zaintzen duen Zumaia irudikatzen’ prozesuaren nondik norakoak, eta Atzerritartasun Legeaz, besteak beste.
Joxepa Anttoni Petriarenarenak neskazarren alde abestutako bertsoarekin hasi zuten saioa, eta Francisca Viveros Barradasen Paquita la del Barrioren Rata de dos patas ereserkiarekin amaitu.
Hemen entzun daiteke irratsaioa.
