Tindufeko (Aljeria) errefuxiatuen kanpalekuetako haurrek udako oporrak Euskal Herrian pasatzeko aukera izango dute aurten ere Oporrak Bakean kanpainari esker. Haur batzuek harrera familiatan igarotzen dituzte egun horiek, eta haiek hartzeko familiarik ez dagoen kasuan, Larrabetzuko (Bizkaia) udalekuan.
Harrera familiak lortzeko kanpaina abiatu zuten duela aste batzuk, eta kanpaina hari amaiera emango diote bihar, Alondegiko Oxford aretoan egingo duten ekitaldian. Kanpainan parte hartu duten udaletako, elkarteetako eta Fronte Polisarioko kideak izango dira bertan, saharar diasporako lagun batzuekin batera.
Kanpainaren balorazioa egingo dute, baina izango da baita ere aukera aretoan jarritako erakusketa ikusteko, sahar tea eta gozokiak dastatzeko, edota Esaezin eta Zumarea taldeen musika entzuteko.