Hamaika laguneko taldea da hamaikakoa. Inoren ordezkari izan gabe modu pertsonalean eta borondatez arituko direnak. Talde anitza osatuko dute guztien artean. Batzuk herriko erreferentzialak diren pertsonak izango dira; beste batzuk ekimenean murgilduta dauden euskaltzale aktiboak; eta azkenik, ohiko herritarrak ere egongo dira. Euskaraldia ekimenenean ahobizi edo belarriprest izatea erabaki dute.
Euskaraldia antolatzeaz arduratzen ari den batzodea hasia da hamaikakoa osatzen. Ahobizi edo belarriprest gisa Euskaraldian arituko den zumaiar taldea, hain zuzen. Zumaiako hamaikako lehen izena Mussin Akrikez da. Ahobizi bezala parte hartuko duela iragarri du: "Nik ahobizi modura hartuko dut parte Euskaraldian. Euskara beharrezkoa da zumaiar izateko. Niri askotan gaztelera egiten didate nire azalaren koloreagatik, eta bada ordua aurreiritzi horiek alde batera uzteko", azaldu du.