Pasatakoa ez da izan asteburu ona Kbi xake klubaren intereserako. Larunbatean hitzorduak izan zituzten bi taldeak galtzaile atera ziren jokatutako partidetan.
Igoera fasea jokatzen ari den preferenteko Kbiren A taldeak Eibarren jokatu zuen jardunaldia, Fomento Cultural taldearen aurka, eta 2,5-1,5 emaitzarekin galdu zuen. Paulo Alberdi, Oier Sarasketa, Erik Juez eta Oscar Aizpurua aritu ziren Zumaiako klubaren izenean jardunaldi horretan. Jardunaldi honen ondoren, hirugarren postura jaitsi dira zumaiarrak. Hurrengo astean, igoera faseko lider den Gros D taldea hartuko du etxean.
Jaitsiera ekidin nahian ari den bigarren mailako Kbi B taldeak 0,5-3,5 emaitzarekin galdu zuen Astigarraga B taldearen aurka. Miguel Angel Aguado, Iñaki Arrieta, Miguel Manterola eta Beniaarbi Mohamed aritu ziren jardunaldi horretan Kbirekin. Sailkapenean bosgarren dira zumaiarrak, eta hurrengo jardunaldian, hamargarrenean, Gros H taldearen aurka jokatuko dute.