Esku pilota jaialdia izango da aurten ere San Telmo egun bezperan, apirilaren 27an, eta oraindik zein pilotari izango diren argitzeke dagoen arren, jada jarri dituzte jaialdiko sarrerak salgai.
Sarrerek 25 edo 30 euro balio dituzte, eta entradasfronton.com webgunean eskura daitezke. Buruz buruko txapelketako final laurdena jokatuko da Aitzurin, eta aurrez, B serieko txapelketako final laurdenetako partida ere jokatuko dute. Amaitzeko, eskuz binakako norgehiagoka izango da.
