Martxoaren 15ean zabaldu zuten Euskaraldirako norbanakoen izen ematea. Lehen egun hauetan erantzun zabala izan du deialdiak Zumaian, eta dagoeneko 400 lagun inguruk erabaki dute Euskaraldiak iraungo duen 11 egunetan ahobiziren edo belarripresten txapak eramango dituztela paparrean.
Hasiera hartan, online eman zitezkeen izenak Euskaraldia.eus webgunean. Baina, arduradun jakitun dira pertsona batzuk oraindik ez direla ondo mugitzen mundu digitalean, eta haiek ere Euskaraldian izena eman dezaten, paperezko formularioak jarri dituzte herriko gune batzuetan, hala nola, AEKren euskaltegian, udaletxean, Lubaki kiroldegian eta Turismo Bulegoan.
Datozen asteotan Euskaraldian apuntatu ahal izateko mahaiak ere jarriko dituzte herriko plaza edo kaleetan, ekitaldi jendetsuekin batera.