Dantza estilo desberdinen inguruko tailerrak antolatzen ditu Astindu dantza taldeak hilero. Bertako dantzak ikasteko aukera izaten dute parte hartzaileek, baina baita beste herrialde batzuetakoak ere. Oraingo honetan, Estatu Batuetan jarriko dute mira, eta country estiloan mugitzeko parada izango dute dantzariek.
Jarduera bihar goizez egingo da, 11:00etatik 13:00etara bitartean, Torreberrin. Irakaslea Natalia izango da, eta girotze aldera, country estiloko aropa eramatea gomendatu diete jarduera honetara bertaratuko direnei.
Ohi bezala, tailerra doakoa eta irekia da. Baldintza bakarra 14 urtetik gora edukitzea da.