2022ko Durangoko Azokaren Sormen Beka irabazi zuen Jon Ander Urresti bermeotar sortzailearen Eukalyptus antzezlana ikusteko aukera izango da apirilaren 4ean, ostirala, 20:00etatik aurrera, Aita Mari aretoan. Emanaldi horretarako sarrerak salgai daude jada, Turismo Bulegoan zein sarrerakzumaia.eus webgunean. Sarreren prezioa 6,35 eurokoa da (Gazte Txartelarekin 4,45 euro).
Matxalen de Pedrok eta Jon Ander Urrestik zuzendu dute lana, beraiek, Nerea Ibarzabal bertsolari eta idazleak eta Beñat Urrutiak zortzi eskutara idatzitako testu batean oinarrituta, eta Urresti eta Urrutia bera arduratzen dira testuok agertoki gainean mamitzeaz, gorpuzteaz.