Axular ibiltokiko zati bat asfaltatzeko lanei ekingo diote gaur. Bidabeazpi (Forondara eramaten duen aldapa) eta Jadarretik hurbil dagoen Bidezarreta kaleen arteko errepide zatia asfaltatuko dute, eta udalaren aurreikuspenak betetzen badira, gaurtik ostegunera bitartean amaituko dituzte lanak.
Lan hauen helburua errepidea konpontzea eta herritarren segurtasuna hobetzea dela adierazi du udalak. "Azken urteotan zulo dezente agertu dira errepidean, eta beharrezkoa da gune osoa konpontzea", adierazi du udalak ohar bidez.
Bidearen konpontze lanek izango dute eragina ibilgailuen joan-etorrian, Axular ibiltokia autoentzako itxita egongo delako. Udaltzainek jarriko dituzten seinaleei kasu egitea eskatu dute.