Zarauztik abiatuko da datorren asteazkenean Euskal Herriko Itzuliko hirugarren etapa eta Beasaien amaituko da. Zarauztik aterata, kostako errepidea hartuko du tropelak, eta Getaria zeharkatu eta gero, Zumaiara helduko da Santiagotik; behin Patxita Etxezarreta eta Axular ibiltokia pasatuta, Txikerdiko biribilgunera helduko dira, eta handik Oikiarako bidea hartuko du.
Segurtasuna bermatzeko, errepideak ordubete lehenagotik itxiko dituzte. Ondorioz, 12:45 etatik 13:50era bitartean ezin izango da Zumaian sartu-irtenik egin. Trafikoan eta lanereko joan-etorrietan eragina izango duen etena izanik, Zumaiako Udalak herritarrei gomendatzen die bidaiak aurrez planifikatzea.