Esku pilota profesionaleko jaialdia jokatuko dute apirilaren 27an, igandea, Aitzuri pilotalekuan. San Telmo jaien barruan antolatutako jaialdia, bi partidaz osatuko da, nahiz eta hasiera batean iragarri zuten hiru izango zirela jokatuko zituzten norgehiagokak.
Buruz buruko txapelketako final laurdena jokatuko da Aitzurin, eta jaialdia amaitzeko eskuz binakako norgehiagoka. Jaialdia 17:15ean hasiko da.
Iragarri dituzte zer pilotari arituko diren aipatu egunean Zumaian. Buruz burukoan, Peio Etxeberria Artola eta Elordiren arteko partidako irabazlearekin neurtuko da. Binakakoan, berriz, Ezkurdia eta Zabaleta, Peña II.a eta Mariezkurrenaren aurka arituko dira.
Sarrerek 25 edo 30 euro balio dituzte, eta entradasfronton.com webgunean eskura daitezke dagoeneko.