Gaur jokatuko dute Aitzuri frontoian Zumaiako zesta punta Masterreko lehen jardunaldia. Txapelketako lehen finalerdia izango da, eta emakumezko eta gizonezko masterretako lehen finalerdiak jokatuko dituzte Zumaiako frontoi luzean. Jardunaldia 19:00etan hasiko da, eta kantxaratuko diren pilotarien artean bi zumaiar izango dira.
Hasteko, emakumeen partida jokatuko dute. Bertan, Frida Watkins zumaiarra jokoan ikusi ahal izango da. Ihartekin osatuko du bikotea, eta aurkariak Sorozabal eta Maialen izango dituzte.
Ondoren, gizonen norgehiagoka izango da, eta Imanol Lopez izango da jokoan arituko den lau puntistetatik bat. Olharanekin osatuko du bikotea, eta finalerako txartela lortzeko lehian Urreisti eta Manci mutrikuarrak izango dituzte aurkari.
Txapelketa osorako bonoak edo jardunaldi bakoitzerako sarrerak www.eramanjaialai.com webgunean daude salgai. Egunean bertan frontoiko leihatilan ere eskuratu ahal izango dira.
Bideoa: Eraman Jai Alai
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!