Beheko Plaza jubilatuen eta pentsiodunen elkarteak, KZ gunearekin lankidetzan, sakelako telefonoen eta tableten inguruko ikastaroa antolatu du. Elkarteak jakitera eman duenez, maiatzaren 19tik 27ra emango dira saioak, 09:00etatik 11:00etara.
Aipatu gailuetan trebatzeko ikastaroan izena eman nahi dutenek maiatzaren 8a izango dute horretarako azken eguna, elkartearen bulegoan, astelehenetik ostegunera, 11:00etatik 12:00etara. Aurrez aurre ez ezik, 943-86 27 41 zenbakira deituta edota behekoplaza1@gmail.com helbidera idatzita ere egin daiteke inskripzioa.