Zazpi egun eta sei gauen ostean, itzuli dira jada Darahliren bitartez Saharako errefuxiatuen kanpalekuak bisitatu dituzten dozenaka lagun. Goizean merkatuan oroigarriak erosi ondoren, bazkaldu, eta familiak agurtu zituzten, eta 17:00ak aldera hartu zuten Tindufeko (Aljeria) aireporturako bidea.
Hegazkina zertxobait atzeratu bazen ere, 22:30etan hartu zuen Gasteizeko aireporturako bidea, eta 04:00ak aldera heldu dira Zumaiara. Atseden hartzeko eta han bizitakoa inguruan partekatzeko unea da orain.