Hiru eguneko greba abiatu dute aste honetan Auxi enpresako langileek. Zuzendaritzak aurkeztutako lan espedienteari uko egin, eta lantokia bideragarria dela aldarrikatu dute beharginek.
Ideia hori helarazi diote langileek Zumaiako alkate Iñaki Ostolazara, gaur goizean udaletxean egin duten bileran. Alkateak esan die langileei enpresaren jabe den Sarralleko zuzendaritzarekin harremanetan jarriko dela, eta beharginek adierazitakoa jakinaraziko diola.