Musi-K udalekuetan izena emateko epea zabalik da maiatzaren hasieraz geroztik, eta ostiralean amaituko da. Musika eta dantza lantzea helburu duen udalekuak dira, eta 4 eta 12 urte arteko haurrei bideratuta daude.
Aurten, uztaileko bigarren hamabostaldian egingo dituzte udalekuok; uztailaren 14tik 24ra artean, 09:30etik 13:00etara, hain justu ere. Hori hala, izena emateko Alondegiko bulegora edota udaletxera joan daiteke; horrez aparte, telematikoki ere egin daiteke inskripzioa zumaia.eus webgunearen bitartez.