Amaitu da dagoeneko Lapetan online lehiaketaren lehen edizioa. Zumaiako Udalak eta Guka elkarlanean antolatutako lehiaketak euskara sustatzea izan du ardatz, baita herri transmisioa indartzea ere. Hala, maiatzeko lau astelehenetan Zumaiaren inguruko hamana galdera egin ziren, eta haiek erantzutera gonbidatu dituzte webguneko erabiltzaileak. Guztira, lehiaketaren lehen edizio horretan 183 lagunek hartu dute parte.
Lehiaketa amaituta, Gorka Imaz Aizpura izan da sailkapenean lehena. 40 galderetatik 38tan eman du zuzeneko erantzuna. Sari bezala, Aita Mari jatetxeak emandako lau lagunentzako jatordua, eta Begi Bistanek oparitutako itsas bidaia jasoko ditu Imazek.
Sailkapenean bigarren Haize Galarraga izan da, 37 erantzunekin, eta Markel Eizagirre, 36 erantzunekin.
Lehiaketan parte hartu duten guztien artean Txopa jatetxeak emandako bi lagunentzako bi jatordu zozkatu dira. Saridunak, Bakarne Alberdi Salsamendi eta Zaba izan dira.
Guka harremanetan jarriko da saridunekin opariak emateko.
