Aste honetan amaitu da Lapetan online lehiaketa. Lau astelehenez, Zumaiari buruzko hamar galdera luzatu dizkiete parte hartzaileei Zumaiako Udalak eta Gukak elkarlanean antolatutako lehiaketan. Guztira, 183 parte hartzaile izan ditu lehiaketak.
Gorka Imaz izan da irabazlea, eta parte hartzaile guztien artean egindako zozketan, Bakarne Salsamendiri eta Ion Zabaletari egokitu zaie saria. Dagoeneko jaso dituzte sariak: Imazek bi lagunentzako bazkaria eskuratu du Aita Mari jatetxean, eta baita lau lagunentzako Begi Bistanek oparitutako itsas bidaia ere.
Zozketan saridun suertatu direnek, berriz, Txopan bi lagunentzako otordua izan dute opari.
