Ikasturte amaierako ekitaldi sorta antolatu du aurten ere Zumaiako Musika eta Dantza Eskolak. Bihar, esaterako, konbo edo taldeen kontzertua izango da Mari kalean, 19:00etan hasita.
Bertan, rockeko eta funkeko abesti ezagunen bertsioak joko dituzte Musika eskolako ikasleek. Hala, Chuck Berry, The Beatles, Red Hot Chili Peppers, Radiohead edo Amy Winehousen kantak entzuteko aukera izango dute bertaratuko direnek.