Diego del Rio zinemagileak zuzendutako Todo el silencio film mexikarra ikusteko aukera izango da gaur, 19:30ean hasita, Aita Mari zinema aretoan. Film hau Zinegoak jaialdian erakutsi zuten, eta ondoren Euskal Herriko herri batzuetan ere eman dute. Lanak Moreliako Nazioarteko Zinema Jaialdian antzezpen onenaren saria jaso zuen, 2023an.
Sinopsia
Goizetan, zeinu-hizkuntzako irakaslea da Miriam, eta, arratsaldeetan, antzerki profesional batean parte hartzen du. Bien bitartean, harreman egonkor eta pasioz betea bizi du bere neska-lagunarekin, Lolarekin. Pertsona gor baten antzeko bizitza daukan arren, dena goitik behera amilduko zaio entzumena galtzen ari dela konturatzen denean.