Mugikortasun jasangarria sustatu, jarduera fisiko osasuntsua bultzatu eta aisialdi modu berriak ezagutarazteko helburuarekin, Bizikleta Eguna ari dira ospatzen Zumaian goizean goizetik. Lehenbizi, 9:30ak aldera, haur eta helduek irteera egin dute elkarrekin Elorriaga aldera bi gurpilen gainean, eta 8 eta 11 urte artekoek beranduxeago eman dute itzulia.
Itzuleran ogitartekoak eta mokadutxoak eman dizkiete parte hartzaileei Eusebio Gurrutxaga plazan, eta haur eta gazteek dirt zirkuituaz nahiz ginkanaz gozatu ahal izan dute bertan. Bazkaritan indarrak hartu ondoren, alebin eta infantilek txirrindularitza proba jokatu dute. Amaitu berritan egingo dute sari banaketa.