Gipuzkoako Futbol Federazioak Gipuzkoako futbolaren galaren laugarren edizioa egin zuen pasa den ostiral arratsaldean Oiartzunen. Gipuzkoako futbolean izandako ibilbide, lan edo jardueragatik garrantzia izan duten pertsona, klub eta erakundeak saritu zituzten bertan.
Zumaiako Futbol Taldeko emakumeen ohorezko erregional mailako taldea izan zen sarituetako bat. Talde nabarmenaren saria jaso zuten. Une berezia izanik, ia taldekide guztiak igo ziren pozaren pozez saria jasotzera.
Talde horrek datorren asteburuan jokatuko du euskal ligara igotzeko play offeko hirugarren eta azken partida. Lehen jardunaldian 7-0 emaitzarekin irabazi zion Zumaiakok Derio talde bizkaitarrari. Pasa berri den asteburuan jokatu zuten Deriok eta Alegria arabarrek bigarren jardunaldia, eta bizkaitarrak izan ziren nagusi 7-0 irabazita partida. Hirugarren jardunaldian Alegria eta Zumaiako neurtuko dira arabarren etxean. Berdinketa nahikoa izango litzateke igoera lortzeko.