Motozaleen topaketaren 11. edizioa egingo dute datorren larunbatean Zumaian. Zumaiako eta inguruko herri eta eskualdetako motozaleak elkartuko dira goizeko lehen orduetatik Alai auzategian. Egunean zehar, irteerak, bazkaria eta DMT Team pilotu eskolaren ikuskizuna ere izango dira.
Bazkarian parte hartu nahiko dutenek gaur dute izena emateko aukera 35 euro sartuz Rural Kutxako ES35 3008 0172 013137631929 kontuan. Bazkarian parte hartzeko aukera izateaz gain, egunari lotutako kamiseta jasoko dute eta egunaren amaierako zozketan parte hartu ahal izango dute. Diru sarrera egiterakoan parte hartuko dutenaren izen abizenak eta kamisetaren neurria jarri beharko dute.
Egitaraua
- 09:30. Ongietorria eta kamiseta banaketa.
- 11:00. Moto irteera Alai auzategitik.
- 12:00. Moto irteeraren bukaera Alai auzaegian.
- 13:00. Talde argazkia.
- 14:30. Bazkaria Talaia jatetxean.
- 17:00. Itzulera auzategira eta DMT Team pilotu eskolaren erakustaldia.
- 20:00. Zozketan. Ondoren, festak jarraituko du auzategian.