Amaitzen hasia da Zumaiako Musika eta Dantza Eskolak kurtso amaierarekin batera prestatutako entzunaldien egitaraua. Ekainaren 17an, 19:00etan, antzerki eskolakoen ikuskizuna izango da Aita Mari aretoan, eta bi egun geroago, hilaren 19an, ikasturte amaierako jaialdia Eusebio Gurrutxaga plazan.
Kantu eskolakoen txanda izan zen atzo arratsaldez. Zumaiena ikastetxeko domoan eskaini zuten emanaldia, eta bertaratutakoek lan ezagunak entzuteko aukera izan zuten, herritarrek abestuta.