Binakako esku pilota txapelketa herrikoiko lehen fasea amaitzear da. Gaur arratsaldez, 17:30ean hasita, jokatuko dituzte ligaxkako azken jardunaldiko partidak Odieta pilotalekuan. Hala, erabakita geratuko da zer lau bikotek jokatuko dituzten hurrengo ostiralean, hilaren 20an, txapelketako finalerdiak.
Gaur honako hiru partidak jokatuko dituzte:
- Peio Etxabe-Jon Alkorta vs Iñigo Tumas-Jokin Beristain.
- Iraultza Unzueta-Beñat Lizeaga vs Unai Etxabe-Unai Beristain.
- Josu Salegi-Aitor Aizpurua vs Eritz Olaizola-Markel Zearreta.