Ekainaren hasieran eman zuen Zumaiako Udalak kirol elkarteek ezohiko jarduerak antolatzeko dirulaguntza deialdiaren berri. Bihar (asteazkena) da eskaera aurkezteko azken eguna, eta horretarako, pertsona fisikoek eskaera orria eta dokumentazioa aurkeztu beharko dute presentzialki udaletxean bertan edo telematikoki. Juridikoek, berriz, telematikoki bakarrik aurkeztu ahal izango dituzte eskaerak.
Zenbait berrikuntza txertatu ditu udalak aurtengo deialdian. Dirulaguntza jasotzeko zenbait baldintza bete beharko dira, eta aurrekontuak zein zuriketak udalak berak zehazturiko ereduaren bitartez aurkeztu beharko dira. Xehetasun horiek guztiak nahiz eskaera orria kontsultatzeko, Zumaiako Udalaren webgunera jo daiteke.