Eskuz binakako herri txapelketak baditu irabazleak. Pasa den ostiral arratsaldean, bero galantarekin, jokatu zituzten aurtengo txapelketako azken partidak.
Hasteko, txapelketako hirugarren eta laugarren postuak erabakitzeko partida jokatu zuten. Bertan, Zearreta eta Olaizolak 22-11 emaitzarekin irabazi zieten Beristaini eta Tumasi. Finalean Etxabe-Alkorta eta Etxabe-Beristain bikoteak neurtu ziren. Partida berdinduan, Peio Etxabek eta Jon Alkortak 22-17 irabazi zuten, ondorioz, txapelketa irabaziz.