Martxan da Gipuzkoako gastronomian aritzen diren belaunaldi berriak saritzea xede duen Gastronomika Talent sarien aurtengo edizioa, eta epaimahaiak hala erabakita, eskualdeko hainbat sukaldari daude hautagaien artean.
produktuaren trataeraren sarirako hautagaia dira, esaterako, Zumaiako Muina tabernako Rocio Maeso, Ander Rodriguez, Amaia Rodriguez eta Mikel Toledo.
Eskualdeko beste jatetxe eta sukaldari batzuk ere sari horietarako hautagaiak dira, hala nola,Jokin Larrañaga sukaldari azkoitiarra, Zarauzko Masta tabernako kideak, Getariako Elkano jatetxeko Koldo Manterola parrilleroa nahiz Azpeitiko Mendizaliek jatetxea.
Hilaren 16an banatuko dituzte sariak Donostiako Maria Cristina hotelean, eta han izango dira hautagaiak. Aurtengo epaimahaia Elena Arzak, Martin Berasategi eta David de Jorge sukaldariek osatu dute, Mikel Ubarretxena Gipuzkoako Ostalaritzako presidentearekin, Basque Culinary Centerreko zuzendaritza kide Idoia Callejarekin nahiz Guille Viglione gastronomoarekin batera.