Doako aparkaleku guneetako bat da Estazioko industriagunea. Hura berrantolatu nahian, enpresa artean kokatzen den Urola plazako zabalgunean margoketa lanak ari dira egiten egunotan, marrak margotuz. Udalaren esanetan, berrantolaketa bidez autoentzako 130 aparkaleku izango dira plaza horretan, horietatik sei autokarabanei zuzendutakoak.
Aste hasieran ohar bidez azaldu zuenez, lanak biharko amaitzea aurreikusi du udalak.