25 urteko gazte bat atxilotu zuen atzo Ertzaintzak Zumaian, ustez adineko bati bortxaz erlojua lapurtzeagatik. Segurtasun sailak adierazi duenez, gertakaria atzo arratsaldez izan zen, lehen orduan. Dirudienez, gazte batek adineko pertsona bat lurrera bota zuen eta erlojua lapurtu zion.
Ertzaintzaren patruila bat bertaratu zen, eta lapurretaren biktimarekin egon eta gero, ingurunea miatzeari ekin zioten. Adinekoak emandako deskribapenaren antza zuen pertsona bat ikusi zuten eta identifikatu ondoren, atxilotu egin zuten indarkeria erabiliz lapurreta egitea leporatuta. Atxiloketa tren geltokian egin zutela jakin du hedabide honek.
Atxilotutako pertsona Ertzain etxera eraman zuten, handik epailearen aurrera eraman aurretik.