Hiru hamarkada eta gero, zesta punta Azpeitira itzuliko da. Abuztuaren 1ean, Saninazio bigarren egunean, zesta punta jaialdia jokatuko dute Azpeitiko Izarraitz frontoian, eta bertan arituko dira Zumaiako bi puntista: Imanol Lopez gizonetan eta Frida Watkins emakumeetan.
Bi partidaz osatuko da 19:00etan jokatuko den jaialdia. Hasteko, emakumeen lehia izango da; Elaia eta Eneritz, Helena eta Fridaren aurka arituko dira. Jaialdiari amaiera emango dion partidan, berriz, gizonetan, Erkiaga-Lekerika eta Barandika-Lopez neurtuko dira.
Jaialdirako sarrerak dagoeneko salgai daude Eramanjaialai.com webgunean.