Aste honetan ere izango da zinemaz gozatzeko aukera Zumaian. Gaurtik astelehenera bitartean, Sirat. Trance en el desierto filma botako dute egunero, 19:30ean. Filmak kontatzen du nola heltzen diren gizon bat eta bere semea Marokoko desertuko rave batera, desagertutako alaba eta arrebaren bila.
Haurrentzako, berriz, Kayara. Inka gerraria pelikula proiektatuko dute igandean. Emanaldia 17:00etan izango da, eta ikus-entzuleek inken inperio zabalean zehar mezuak eramateaz arduratzen den gizon-talde esklusibo batekin elkartzea amesten duen neska gazte baten ibilerak jarraituko dituzte.