Gala eguna eta Kuadrilla egunarekin batera, Euskal Jai eguna da abuztuko jai tradizionala Zumaian. Abuztuaren 8an egingo dute, ohi bezala, ostiralez. Ez dira faltako bertso saioak, azoka edo, arratsalde partean, sagardo dastatzea.
Horien guztien artean, 15:00ak aldera, herri bazkaria ere egingo dute Eusebio Gurrutxaga plazan. Paella, sagardoa edo ura, euskal pastela eta kafea izango dute parte hartzaileek menu bezala. Txartelak bihartik aurrera egongo dira salgai Turismo Bulegoan, 10 euroan; 6 euroan haurren kasuan.