Uda sasoian festak dira nonahi, eta abuztuaren hasierarekin batera Itziarren izango dituzte jaiak. Abuztuaren 1etik 6ra bitartean kopraixak ospatuko dituzte Itziarren.
Inguruko herrietako bizilagunen joan-etorriak errazteko, Lurraldebusek gaueko autobusak jarri ditu abuztuaren 2ko (larunbata) eta 6ko (astazkena) gauetarako, Deba, Itziar eta Zumaia artean.
Zumaiatik honako orduetan aterako dira busak, Patxita Etxezarreta kaleko geralekutik: 22:30ean, 00:00etan, 01:30ean, 03:00etan eta 04:30ean. Itziartik itzulerako busak, aldiz, honako ordutegia izango dute: 22:00etan, 23:30ean, 01:00etan, 02:30ean eta 04:00etan. Itziarko kasuan, N-634 errepideko geralekuan hartuko dituzte busak, ostatuaren aurrean. Lurraldebusek adierazi du gaueko tarifa kobratuko zaiela erabiltzaileei.