Guardia Zibilaren mendiko taldeak Zumaiako emakume bat erreskatatu zuen atzo Pirinioetan. Aditzera eman duenez, 48 urteko emakumeak istripua izan zuen Ordesa eta Monte Perdido parke naturalean kokatzen den Brecha de Rolando inguruan, Fanlo (Aragoi, Espainia) aldean.
Emandako informazioaren arabera, istripuaren ondorioz, emakumeak peronea hautsia zuen. Helikopteroz atera zuten ingurune hartatik, eta Ordesako zelaigune batera eraman zuten, handik, anbulantzian, ospitalera eramateko.