Abuztu hasieran urtero legez, helduentzako eta haurrentzako arrantza lehiaketak izan dira aurtengoan ere. Atzo jokatu ziren bi txapelketak: helduen artean, Aitona Periko ontzia izan zen irabazlea kabra eta dontzeilen lehiaketan. 7 eta 15 urte arteko haurrek ere beren abilezia erakutsi zuten arrain txiki lehiaketan, eta hogeitik gora arrantzale txiki giro ederrean aritu ziren arrantzan.
Bi kategoriatan jokatu zuten txapelketa: 7 eta 11 urte artekoetan, Zao bo Yang saritu zuten, eta 12 eta 15 urte bitartekoen artean, Irati Mera. Sari berezi bat ere banatu zuten: Julen Goñik jaso zuen, arrain txikiena arrantzatzeagatik.