Urtero bezala, haurrak harea erabilita eskulturak egiten ikasteko bi saio antolatu ditu Zumaiako Udalak abuzturako. Andoni Bastarrikak gidatuko ditu biak, eta Santiago hondartzan elkartuko dira, dortokak, izurdeak, itsasoko izarrak nahiz gazteluak egiten irakatsiko die haurrei.
Lehen saioa ostegunean izango da, etzi, Santiagon, 11:00etatik 14:00ak bitarte. Bigarrena, berriz, abuztuaren 22an, leku eta ordu berean.