Andrea Saez atezain zumaiarrak Iruñeko (Nafarroa) Anaitasuna taldearekin fitxatu du. Hasiera batean, urtebeterako sinatu du kontratua, 2026ko ekainaren 30era arte. Iruñeko eskubaloi klubaren Urrezko Ohorezko mailan arituko da (Espainiako emakumeen eskubakoiko bigarren mailan), eta klubak talde horretarako ezarritako helburuak betetzen laguntzea izango du lana.
2006an Zumaian jaioa, bere 1,88 metrorekin etorkizun handia duen atezaina da Saez. Pulpo Eskubaloiko harrobian hasitako jokalaria, jubenil mailako Munduko txapeldun izan da Espainiako selekzioarekin. 2024an fitxatu zuen Bera Berarekin, eta datorren denboraldian Anaitasunarekin arituko da.