Margoez, argazkiz eta marrazkiez osatutako bilduma prestatu du Anton Egiguren artista zumaiarrak Alondegiko Oxford aretoan ondutako erakusketarako. Hormetan zintzilikatutako lanez gain, bi proiekzioen bidez bere artelanak ikusteko aukera ere eskaini die Erriibera kaleko aretora bertaratu diren bisitariei.
Abuztuaren hasierarekin batera zabaldu zuen herritarrak erakusketa bere jaioterrian, eta datorren igandean, iluntze partean, itxiko ditu ateak, abuztuaren 17an, hain zuzen. Erakusketa arratsaldero dago zabalik, 18:30etik 20:30era. Ostiralean, larunbatean eta igandean ere bisitatu ahal izango da eguerditan, 12:30etik 14:00etara.