Jurassic World sagaren film berria emango dute asteburuan Aita Mari aretoan. Oraingo honetan, El renacer izenburuarekin dator, eta istorioak kontatzen duenari egiten dio ohore. Izan ere, uharte debekatu batean, bizirik dauden espezie askotako dinosauroak topatuko dituzte, nahiz eta Lur planetaren ekologiak dinosauroentzat jasangaitza izan.
Gareth Edwards zuzendari galestarrak landutako filma da honakoa, eta ondorengo aktore taldea izan du alboan: Scarlett Johansson, Jonathan Bailey, Mahershala Ali, Rupert Friend eta Manuel Garcia-Rulfo.
Filma gaurtik astelehenera bitartean emango dute Zumaiako zinema aretoan, 19:30ean. Sarrerak leihatilan izango dira salgai, baina aurrez erosteko aukera izango da, sarrerakzumaia.eus webgunearen bitartez.