Datorren urteko urtarrilaren 24an egingo dute, urtero bezala, Astinduk gai ezberdinen inguruan antolatzen duen dantza emanaldia. Aurtengoa 80ko hamarkadako dantzen bueltakoa izango da, eta dantza taldeak herritarrak gonbidatu nahi ditu ekimenean parte hartzera. Zehazki, uztailean ireki zuten izena emateko epea, baina oraindik zabalik jarraitzen du tarte horrek, hilabete hau amaitzen den arte. Zehazki, interesa dutenek astindu.zde@gmail.com helbidera idatzi edota 623 228 665 telefonora deitu beharko dute.
Taldeak azaldu duenez, 16 urte baino gehiago dituztenek izango dute emanaldian parte hartzeko aukera, eta entseguak ostiraletan egingo dituzte 18:00etatik 20:00etara. Bazkideentzat doakoa izango da, baina ez direnek 40 euro ordaindu beharko dituzte parte hartu eta entseguetara joateko.