Abuztu amaierarekin batera bueltan dira herriko kluben jarduerak. Ruben Arredondok zuzentzen duen Zumaia Cuban Boxing klubak datorren astelehenean hasiko ditu denboraldi berriko jarduerak. Hasieran, helduekin egingo du lan; haurren ordutegia aurrerago emango dituela ere iragarri dute.
Hala, goizeko klaseak astelehenetan eta asteazkenetan emango dituzte, 10:45etik 11:45era, Lubaki kiroldegian. Arratsaldekoak, aldiz, astearte eta ostegunetan izango dira, 19:30etik 20:45era, Zumaiako Herri Eskolak Sagarbiden duen gimnasioan.
Ostiral arratsaldetan ere boxeo saioak izango dira, baina horiek boxeo borrokaldietan lehiatuko direnei bakarrik zuzenduta daude. 19:00etatik 20:30era emango dituzte, Lubakin.