Genozidioa stop! lelopean, mobilizazioak deitu ditu Gernika-Palestina egitasmoak Euskal Herriko herri eta auzoetan ostiral honetan, hilaren 5ean. Zumaian ere Gazaren aurkako sarraskia salatzera aterako dira kalera: Saregile plazan kazola-jotzea egingo dute 19:00etan.
Palestinarekiko elkartasuna adierazi nahi duen oro gonbidatu dute mobilizaziora, eta zarata egiteko tresnak eramateko deia egin dute.